"Bentan"

Balong katokal bua nyer,
Sopo rasate peno kalako,
No ya putes leng bariri,

Kalako nan si tu pariri,
Bau belo dadi pameri,
Samanang hajat ma no cangi,

Ku totang arap mu yandi,
Saling beme tu sanadi,                                        
Kareda ate dadi pamendi,

Beang aku gama na,
Tama kemban ate kau,
Layar jangi bentan parana,

BoLo.♌.9611.ə٨٥٦.04.00

"Liser Ate"

We panotang...
Gama mu sanyata diri,
Ma no ate batari,
Tutet panulang bao jangi,

We angin...
Liser gama rasate ate,
Mara kemang tumung satange,
Liok leng parange rabewe,

Tutu lampang saling peri,
Uet parana no barari,
Na sesal lamin mu ngasi...

BoLo.♌.5611.ə٨٥٦.00.25

"Rasate"

Tanya rungan ku sanapat,
Dadi lili batang parana,
Temung yandi ling do tokal,

Ilang caya bintang petang,
Tili ling mega basungu,
Kemas kau nan si caya,

Do tokal siong pamalat,
Lako datang rea hajat,
Gama era ketemung nikmat,


BoLo.♌.3611.ə٨٥٦.00.30

"Batari Jangi"

We andi balong e,
Roba mu gita rasate ate,

Rabalat untung lempat satowe,

Mu dede gama andi e,

Layar jangi pang bajele,
Tungka untung rena badede,

Liok pangita leng satange,

Arap puen balong rabewe,
Ngineng parana tangka pajele,

Kaling jangimu ku tari,
Pinan palangan bau bariri,
Salamat parana jaga pameri...

BoLo.♌.25511.ə٨٥٦.20.10

"Liser Pamenong"

Nonda panyayang tangko panesal,
Mana rasate kemban jangi,
Paboat diri batari untung,

Kalako yandi we kalako,
Na kagiser leng angin,
Bawa pamada liser pamenong,

Lamin untung nonda baterpa,
Na balin jangi parana,
Kalako ate lako arap,

BoLo.♌.16511.ə٨٥٦.06.00

"Kalako"

Lamin tutu si pamendi,
Na dahir satumung cangi,
Rusak ate pendi diri,

Salingong mu buya pamada,
Lako rasa mu samula,
Ilang kalako no gantuna,

Lalo mengas temung ungkap,

Karante cara seliwat pakarap,
Terpa mengas satumung harap.

BoLo.♌.15511.ə٨٥٦.18.25

"Panesal"

Manis kemasmu pe yandi,
Satumung rasate dadi pameri,
Baterpa aning no bariri,

Kaling kemang luset no caya,
Mekar semusim ilang pamada,
Pendi diri bentan rara,

Na sesal lamin mu luset,
Linong ai mata mu ngunget,
Salah tangko de repaget...

BoLo.♌11511.ə٨٥٦.19.00

"Arap"

Ku tanam bining satange,
Arap tumung balong rabewe,
Ramba den pang bajele,

Bakeal lonto ontar telu,
Pagar kemban ke panyadu,
Onang biling no batungku,

Sesal mo mu sesal,
Panesal semal bilu bakeal,
Perange jangi sate rabantal...

BoLo.♌11511.ə٨٥٦.20.25

"Ate Baketong"

Ku saketong ate baketong,
No layar jangi bagian,
Putis palangan nda pakatoan,

Lamin nan si pina mu nyaman,
No pelang perange kateman,
Na sesal rara mu bentan,

Panesal nonda datang ramada,
Konang ate sajan rara,
Salingong diri no baseda...
BoLo.♌12511.ə٨٥٦.19.47